Konferenza mill-Uffiċċju għall-Koordinazzjoni tal-Ispezzjonijiet

​​Fid-29 ta' Frar 2024 l-Uffiċċju għall-Koordinazzjoni tal-Ispezzjonijiet (ICO) tella' konferenza biex jinforma lill-uffiċjali għolja fi ħdan is-settur pubbliku dwar il-vjaġġ ta' dan l-Uffiċċju. Is-Segretarju Permanenti Ewlieni u d-Direttur Ġenerali (Koordinazzjoni u Implimentazzjoni), fi ħdan l-Uffiċċju tal-Prim Ministru, għamlu diskors qasir kull wieħed. Kien hemm ukoll żewġ diskussjonijiet minn panels differenti – l-ewwel panel tkellem dwar l-isfidi li kellu quddiemu, x'għamel s' issa dan l-Uffiċċju u t-triq 'il quddiem. Fit-tieni panel, uħud mill-entitajiet involuti f 'din ir-riforma qasmu l-esperjenzi tagħhom.

Għal numru ta' snin, entitajiet governattivi differenti kienu jesegwixxu l-ispezzjonijiet tagħhom stess, u dan kien jirriżulta f' diversi spezzjonijiet fl-istess ħanut tan-negozju. Din is-Sistema kienet qed toħloq inkonvenjent għas-sidien tal-ħwienet. Dan wassal għar-riforma fl-ispezzjonijiet. L-għan kien li jitnaqqas il-piż fuq il-ħwienet tan-negozju filwaqt li l-ispezzjonijiet isiru aktar trasparenti u effettivi. L-Att dwar il-Koordinazzjoni tal-ispezzjonijiet tal-Gvern (Kap. 568) daħal fis-seħħ fl-2017 u twaqqaf l-Uffiċċju li jikkoordina l-ispezzjonijiet. Illum, spezzjoni fi stabbiliment minn entita 'waħda tipprovdi data għal diversi entitajiet li huma responsabbli biex jaraw li l-imsemmi stabbiliment ikun qed jimxi mal-liġijiet u r-regolamenti.

Permezz tar-riforma l-għadd ta' spezzjonijiet naqqas b'mod sinifikanti. L-Uffiċċju għall-Koordinazzjoni tal-Ispezzjonijiet qed ikompli jikber u jżid aktar tipi ta' negozju f' din is-sistema kkoordinata ta' spezzjonijiet ta' rutina sabiex jgħin biex jogħlew l-istandards fil-ħwienet tan-negozju għall-benefiċċju tal-pubbliku.