Pubblikazzjoni ta' 'Governance Action on the NAO’s Annual Report on Public Accounts 2024 and other NAO reports 2025

Nhar it-Tnejn, 28 ta’ Settembru 2026, is-Segretarju Permanenti Ewlieni, Tony Sultana, ippreżenta lill-Awditur Ġenerali, Charles Deguara, ir-rapport “Governance Action” ta’ din is-sena dwar ir-Rapport Annwali tal-NAO dwar il-Kontijiet Pubbliċi 2024 u rapporti oħra tal-NAO tal-2025.

Ir-rapport juri li l-Amministrazzjoni Pubblika implimentat 90.4% tal-azzjonijiet meħtieġa biex jiġu indirizzati r-rakkomandazzjonijiet tal-NAO, żieda ta’ 4% fuq is-sena ta’ qabel. Għall-ewwel darba, l-eżerċizzju kopra wkoll tliet kunsilli lokali, fejn twettqu 96% tal-azzjonijiet identifikati. B’kollox, ġew identifikati u indirizzati 490 azzjoni.

Din il-pubblikazzjoni turi l-impenn kontinwu tas-Servizz Pubbliku favur il-governanza tajba, kontabbiltà u t-trasparenza.