​​​​ Żjara ta’ studju fil-Finlandja bħala parti mill-proġett “Strategic Foresight and Anticipatory Governance” - LIMinal

Id-Diviżjoni tal-Koordinazzjoni u Implimentazzjoni nedhiet proġett  iffinanzjat permezz tat - Technical Support Instrument (TSI), iffinanzjat mid-DG għar-Riforma tal-Kummissjoni Ewropea. Il-għan tal-proġett hu għat-tisħiħ tal-kapaċitajiet prospettivi strateġiċi  fl-Amministrattiv Pubbliku Malti.  Fost affarijiet oħra, il-proġett inkluda ġbir ta’ informazzjoni mill-esperti tal- OECD fuq is-suġġett, kwestjonarju kwantitattiv, stħarriġ kwalitattiv u żewġ proġetti piloti maħduma flimkien mal-partijiet interessati tal-Ministeru għall-Edukazzjoni, l-isport, iż-Żgħażagħ, ir-Riċerka u l-Innovazzjoni (MEYR), u tal-Ministeru għall-Politika Soċjali u d-Drittijiet tat-tfal (MSPC). 

F’April 2024, żewġ membri tad-Diviżjoni  ffurmaw parti minn delegazzjoni li attendiet għal-żjara ta’ studju dwar Strateġic Foresight ġo Helsinki, il-Finlandja, flimkien ma’  sħab fil-proġett mill-Italja u l-Litwanja.  Hemmhekk iltaqgħu má esperti mill-Ministeru tal-Finanzi Finlandiż, mill-Uffiċċju tal-Prim Ministru, Universitajiet Finlandizi, u mill-Fondazzjoni Sitra, NGO lokali iddedikata għal studji futuristiċi.  Il-kelliema taw  preżentazzjonijiet dettaljati  dwar  Strateġija ta’ istituzzjonalizzazzjoni fil-proċess tat- tfassil ta’ politika meħuda mill-gvern Finlandiż, ħiliet, taħriġ u kwalifiki disponibbli għall-dawk il- partijiet interessati u għal ħaddiema tagħhom. 

Id-Direttur Ġenerali tad-Diviżjoni għal-Koordinazzjoni u Implimentazzjoni ta preżentazzjoni dwar ix-xena Maltija, l-isfidi li taffaċċja l-Amministrazzjoni Pubblika lokali u kif dawn qed jissarrfu f’opportunitajiet ta’ tkabbir u tisħiħ fit-tfassil ta’ politika proattiva li tħares ’il quddiem.​