​It-tielet Focal Points Forum

​It-tielet Focal Points Forum seħħ nhar il-Ġimgħa 5 ta' Lulju fejn għal darb'oħra tlaqqgħu il-Focal Points ġejjin mill-Ministeri kollha tal-Gvern. Id-Direttur Ġenerali (Koordinazzjoni u Implementazzjoni), is-Sur Oreste Cassar introduċa l-laqgħa u aċċenna kif bħal dan iż-żmien, id-Direttorat għall-Implimentazzjoni fi ħdan id-Diviżjoni għall-Koordinazzjoni u l-Implimentazzjoni fl--Uffiċċju tal-Prim Ministru, jibda l-ħidma dwar il-pubblikazzjoni tat-Twettiq tal-Baġit 2024. Din il-pubblikazzjoni tinħareġ mill-Uffiċċju tas-Segretarju Permanenti Ewlieni ta' kull sena fejn fiha ikun hemm rendikont tal-istat ta' implimentazzjoni tal-miżuri tal-baġit.. Id-Direttur (Implimentazzjoni għal-Proġetti), is-Sur Aaron Abdilla kompla billi ta rendikont tas-sitwazzjoni kurrenti tal-implementazzjoni tal-miżuri. Wara daħal iktar fid-dettal fuq ix-xogħol involut għall-pubblikazzjoni fejn spjega kif id-Direttorat u l-Ministeri se jkunu qed jaħdmu id f'id biex tinġabar l-informazzjoni meħtieġa matul ix-xhur ta' Lulju u Awissu. Il-forum ikkonkluda b'sessjoni ta' diskussjoni u aġġornamenti oħra.